2019-09-04
لە پڕۆسەیەکدا بۆ هەڵبژاردنی بیرمەندی ئەمساڵی جیهان ناوی پڕۆفیسۆر کۆچەر بیرکار لە سەروی کەسایەتییە بیرمەندەکانی جیهان درەوشایەوە و وەک گەورە بیرمەندی ساڵی 2019 هەڵبژێردرا.
ئاوێنە: پڕۆفیسۆر فەرەیدوون درەخشانی ناسراو بە کۆچەر بیرکار، بیرکاریزانی هەڵکەوتووی شاری مەریوانی رۆژهەڵاتی کوردستان لە پرۆسەیەکی متمانەپێکراودا لە نێوان 50 بیرمەندی گەورەی جیهان وەک گەورە کەسایەتیی بیرمەندی ساڵی 2019 هەڵبژێردرا.
پرۆسەکە لە لایەن گۆڤاری Prospectmagazinی بەریتانیا ئەنجام دراوە کە گۆڤارێکی ناسراو و متمانەپێکراوە هەڵبژاردنەکە قبووڵکراوە.
پڕۆفیسۆر کۆچەر بیرکار پسپۆڕی بیرکارییە. خەڵکی گوندی نێی سەر بە شاری مەریوانە لە پارێزگای کوردستان و لە بەریتانیا دەژی. ساڵی ڕابردوو خەڵاتی فیڵدزی بردەوە کە گەورەترین خەڵاتی بواری ماتماتیک و بیرکارییە و وەک بۆبێلی بیرکاری ناسراوە.