ئەمشەو پێنجشەممە، ئیسرائیل دو هێرشی كردە سەر ناوەڕاستی بەیروت، بەپێی وەزارەتی تەندروستی لوبنان لە هێرشەكەدا 18 كەس كوژراون و میدیای ئیسرائیلیش دەڵێت، بەرپرسی پەیوەندییەكانی حزبوڵا كراوەتە ئامانج.
ئاوێنە: وەزارەتی تەندروستی لوبنان رایگەیاند، لە هێرشی ئەمشەو سوپای ئیسرائیلدا بۆ سەر ناوچەیەكی لە ناوەڕاستی بەیروتی پایتەخت لانیكەم 18 كەس كوژراون و 92 كەسی دیكەش برینداربون.
بەپێی میدیای ئیسرائیل لە هێرشەكەدا وەفیق سەفا، بەرپرسی هەماهەنگی و پەیوەندییەكانی حزبوڵای لوبنان كراوەتە ئامانج و تاوەكو ئێستا چارەنوسی نادیارە.
میدیای ئیسرائیل بەرلەوە ئاماژەی بەوەدابو كە هێرشەكە "كەسایەتییەكی دیار"ی حزبوڵای كردۆتە ئامانج.