پۆلیسی ئاكرێ لەبارەی شەڕە تەقەكەی شەوی رابردوی ناحیەی گردەسێن، رایگەیاند، شەڕەكە لەنێوان دو لایەندا لەسەر كێشەیەكی كۆمەڵایەتی كۆن دروست بوەو 8 تۆمەتبار دەستیگركراون.
ئاوێنە: پۆلیسی ئاكرێ لە راگەیەندراوێكدا وتویەتی، شەڕە تەقەكەی شەوی رابردوی ناحیەی گردەسێن لەلایەن پۆلیس، پێشمەرگەی زێرەڤانی و ئاسایشەوە كۆنترۆڵكراوەو شەڕەكەش لەسەر كێشەیەكی كۆمەڵایەتی كۆن بوە لەنێوان دو لایەندا.
ئەوەشی خسۆتەڕو، هێزە ئەمنییەكان توانیویانە 8 تۆمەتباری شەڕەكە دەستگیربكەن و دەستیش بەسەر چەكەكانیاندا بگرن.
هێمای بۆ ئەوەش كردوە، فەرمانی دەستگیركردنی بۆ سەرجەم تۆمەتبارەكانی دیكەش دەرچوەو لێكۆڵینەوەش بەردەوامە.