بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ پێنجشەممە، ئاسمان هەور دەبێت لەگەڵ بوونی تۆز لە كەشدا.

ڕوونیشیکردەوە کە ئەگەری نمە بارانی پچڕپچڕ هەیە و هەندێک كات تێكەڵەی تۆز و خۆڵ لەگەڵ باران دەبێت و ئەگەری هەورە تریشقەش هەیە.

ئەوەشی خستەڕوو کە ئەمڕۆ لەگەڵ نزمبوونەوەی 3-5 پلەی گەرما، پێشبینی دەکرێت 3-5 ملیمیش باران ببارێت.

سەبارەت بە سبەینێ هەینیش، کەشناسی ڕایگەیاند، ئاسمان نیمچە هەور و لە ناوچە شاخاوییەكانیش هەورى تەواو دەبێت. هاوکات ئەگەری تاوە باران لەسەر هەندێك لە ناوچە شاخاویە بەرزەكان هەیە.

بەرزترین پلەکانی گەرمای پێشبینیکراو بە پلەی سیلیزی

هەولێر: 26 پلەی سیلیزی

سلێمانی : 25 پلەی سیلیزی

دهۆک : 22 پلەی سیلیزی

کەرکووک : 29 پلەی سیلیزی

زاخۆ : 22 پلەی سیلیزی

هەڵەبجە : 26 پلەی سیلیزی

سۆران : 22 پلەی سیلیزی

حاجی ئۆمەران : 18 پلەی سیلیزی

گەرمیان :33 پلەی سیلیزی