فەرماندەیی جەزیرەی سەر بە دەستەی حەشدی شەعبی ڕایگەیاند، درەنگانی شەوی ڕابردوو هێزەکانی ئەمریکا تا بەرەبەیان دوو هێرشیان کردە سەر بارەگاکانمان لە ناوچەی جرف سەخر لە باکووری پارێزگای بابل و لە پارێزگای ئەنبار.
ئاوێنە: فەرماندەیی جەزیرەی سەر بە دەستەی حەشدی شەعبی، ڕاگەیاندراوێکی سەبارەت بە هێرشەکانی هێزەکانی ئەمریکا بۆسەر بارەگاکانیان بڵاوکردەوە، کە تێیدا هاتوە، درەنگانی شەوی ڕابردوو هێزەکانی ئەمریکا تا بەرەبەیان دوو هێرشیان کردە سەر بارەگاکانمان لە ناوچەی جرف سەخر لە باکووری پارێزگای بابل و لە پارێزگای ئەنبار.
ئاماژە بەوەشکراوە، ئەو بارەگایانەی کە کراونەتە ئامانج، پێشتریش بۆردوومان کراون.
هاوکات بەپێی زانیارییە سەرەتاییەکان، بەهۆی هێرشەکانەوە ژمارەیەک کوژراو و بریندار لە ڕیزەکانی حەشدی شەعبیدا هەن.