ئەنبار کەمێک پێش ئێستا هێرشێکی نوێ کرایە سەر یەکێک لە بارەگاکانی هێزەکانی حەشدی شەعبی لە سنووری پارێزگای ئەنبار و تا ئێستاش زیانە گیانییەکان ڕانەگەیەندراون.
ئاوێنە: بەپێی زانیاریی میدیا عێراقییەکان، هێرشەکە بارەگای لیوای ٢٧ی هێزەکانی حەشدی شەعبی لە شارۆچکەی گەرمەی سەر بە پارێزگای ئەنباری کردووەتە ئامانج. سەرچاوە هەواڵییەکان ئاماژە بەوە دەکەن کە هێرشەکە تەنها زیانی ماددی لێکەوتووەتەوە و هیچ زیانێکی گیانی نەبووە.
دەستبەجێ دوای ڕووداوەکە، هێزە ئەمنییەکان گەیشتوونەتە شوێنی ئامانجەکە و دەستیان بە لێکۆڵینەوەی ورد کردووە. تا ئەم ساتە، هیچ لایەنێک بە فەرمی بەرپرسیارێتی هێرشەکەی نەگرتووەتە ئەستۆ و دیار نییە کە ئایا هێرشەکە لەلایەن فڕۆکەکانی ئەمریکا یان ئیسرائیلەوە ئەنجامدراوە.
ئەم هێرشە لە کاتێکدایە کە لە ماوەی چەند ڕۆژی ڕابردوودا، ئەمریکا چەندین جار بارەگاکانی حەشدی شەعبی لە ناوچە جیاوازەکانی عێراق کردووەتە ئامانج، کە بەهۆیانەوە ژمارەیەک چەکداری ئەو گروپە کوژراون و بریندار بوون.