باڵیۆزخانه‌ی ئه‌مریكا رایده‌گه‌یه‌نێت، له به‌غدا دو هێرش كراوه‌ته سه‌ر دامه‌زراوه‌كانیان به ئامانجی كوشتنی دیپلۆماتكارانیان.
ئاوێنه: وتەبێژێک بەناوی باڵیۆزخانەی ئەمریکا له به‌غدا له راگه‌یه‌ندراوێكدا وتی، شه‌وی رابردو گروپه چه‌كداره‌كان دو هێرشیان كردۆته سه‌ر دامه‌زراوه دیپلۆماسییه‌كانیان له به‌غدا.
ئه‌وه‌شی خستۆته‌ڕو، هێرشه‌كان هه‌وڵێك بون بۆ كوشتنی دیپلۆماتكارانی ئه‌مریكی.
هه‌روه‌ها وتوشیه‌تی، لە گەرمەی ئەو هێرشانەی کراونەتە سەر نێردە دیپلۆماسییەکانیان، چەندین جار هانی حکومەتی عێراقیان داوە دەستبەجێ بەرپرسیارێتیی خۆی جێبەجێ بکات لە راگرتنی هێرشەکان بۆ سەر دامەزراوەکانی ئەمریکا و رێگری بکات لە گروپە چەکدارەکان بۆ بەکارهێنانی خاکی عێراق بۆ ئەنجامدانی هێرش.
جه‌ختیشی كردۆته‌وه، دودڵ نابین لە بەرگریکردن لە كارمه‌ندان و دامەزراوەکانمان ئەگەر حکومەتی عێراق نەتوانێت پابەند بێت بە ئه‌ركه‌كانی.