سکرتاریەتی کۆمیتەی ناوەندی کۆمەڵە بڵاویکردەوە، یەکێک لە بریندارەکانی ڕووداوی هێرشەکەی ئێران بۆسەر بارەگاکەیان بەهۆی سەختی برینەکەیەوە گیانی لەدەستداو ژمارەی شەهیدەکانیان بوو بە ١٠ شەهید.
ئاوێنە: بەشی سکرتاریەتی کۆمیتەی ناوەندی کۆمەڵەی شۆڕشگێڕی زەحمەتکێشانی کوردستانی ئێران لەمیانی راگەیاندراوێکدا ئاشکرایکرد "خەڵکی تێکۆشەری کوردستان ئاگادار دەکەینەوە کە بەداخەوە ئەمڕۆ ڕێکەوتی ٣٠ی پوشپەری ١٤٠٥ی هەتاوی، هاوڕێ ئەبوبەکر هۆشەنگی یەکێک لە بریندارەکانی هێرشی ڕۆژی هەینی بۆسەر بارەگاکانی کۆمەڵە لە زرگوێز و دەوروبەری بەهۆی سەختی برینەکەیەوە گیانی ئازیزی بەختکرد".
ئەوەش هاتووە "کۆمەڵە وێڕای سەرخۆشی لە بنەماڵە و کەس و کاری، هاوڕێ و هاوسەنگەرانی، سەرجەم خەڵکی کوردستان و بەتایبەت خەڵکی مەریوان، پێداگری لەوە دەکاتەوە کە ڕێگە و ڕێبازی هاوڕێ ئەبوبەکر ون نابێت و خوێنی گەشی هاوڕێیانی گیانبەختکردوومان هەوێنی درێژەدانی خەبات و شۆڕشمان دەبێت".