درەنگانى شەوى ڕابردووى لە گوندى تازەدێی سنوورى شارۆچکەى کەلار ژنێک بە چەقۆ کوژرا، پۆلیسی گەرمیان دەڵێت: بکوژەکە دەستگیرکراوە و لێکۆینەوە لە ڕووداوەکە بەردەوامە.
ئاوێنە: سۆران محەمەد غەریب وتەبێژی پۆلیسی گەرمیان سەبارەت بە کوشتنى ژنێک لە سنوورى ئیدارەى گەرمیان و دەستگیرکردنى بکوژەکە، ڕاگەیاندراوێکى بڵاوکردەوە، کە تیایدا هاتووە، نزیکەی کاتژمێر ١١:٣٠ خولەکى شەوى ڕابردوو بەڕێوەبەرایەتی پۆلیسی گەرمیان ئاگادارکرانەوە لە ڕووداوێکی کوشتن لە گوندی تازەدێی سەر بە شارۆچکەى کەلار.
ئاماژەى بەوەشکرد، دواتر پۆلیس گەرمیان و بەشی نەهێشتنی تاوانی گەرمیان بەخێرایی گەیشتنە شوێنی ڕووداوەکە و دەستیان بە لێکۆڵینەوە کرد.
ئەوەشی خستەڕوو، بکوژەکە بە فەرمانی دادوەر و بە مادەی ٤٠٦ دەستگیرکراوە، هەروەها پۆلیسی لەسەر هۆکار و چۆنییەتی ڕووداوەکە بەردەوامە لە لێکۆڵینەوە.
بەپێی زانییارییەکان ژنەکە بە چەقۆ کوژراوە.