تیمەکانی تۆڵەسەندنەوەی شەهیدانی کوردستان ڕایگەیاند، «لە دوو چالاکییدا لە بانە و ڕەبەت، دوو جاش بە ناوەکانی کەریم بەسی و کامەران پەهلەوانی کوژران، ئەو چالاکییە بۆ تۆڵەسەندنەوەی شەهیدانی کوردستان ئەنجام دراون، هەر کەسێک دەستی لە خوێنی گەل و شۆڕشگێڕاندا هەبێت، هەمان چارەنووسی دەبێت».
ئاوێنە: ئەمڕۆ، تیمەکانی تۆڵەسەندنەوەی شەهیدانی کوردستان لە ڕاگەیەندراوێکدا ئاشکرای کرد، لە بەرواری ٣٠ـی تەمموزی ٢٠٢٦ تیمەکانمان لە هەرێمی بانە و ڕەبەت دوو چالاکی جیاوازیان ئەنجامدا، لەو چالاکییانەدا دوو جاش کە دەستیان بە خوێنی گەل و شۆڕشگێڕانی کوردستان سوور بوو، کوژران، بە ناوەکانی کەریم بەسی لە هەرێمی بانە و کامەران پەهلەوانی لە هەرێمی ڕەبەت.
وتیشی: ئامانج لەو چالاکییانە پاککردنەوەی خاکەکەمانە لە کەسانی خۆفرۆش و ئەوانەی لەگەڵ دوژمندا هاوکارییان کردووە، ئەو کەسانەی بوونەتە ئامانجی تیمەکانمان، ساڵانێکی زۆرە هاوکاریی دوژمن دەکەن و چەندین جار چالاکییان دژی گەلی وڵاتپارێز و شۆڕشگێڕەکانمان ئەنجام داوە، بەتایبەت جاشێک بە ناوی کامەران پەهلەوی، دەستی لە خوێنی گەریلا و پێشمەرگەکاندا هەبووە و لە چەندین ڕووداوی تریشدا بە شێوەیەکی چالاکانە بەشدار بووە، کەریم بەسیش سیخوڕێکی چالاک بووە و ساڵانێکی زۆرە لەگەڵ هێزە ئەمنییەکاندا کاری کردووە.
ئاماژەی بەوەشکرد، ئەو چالاکییە بۆ تۆڵەسەندنەوەی شەهیدانی کوردستان ئەنجام دراوە، هەر کەسێک دەستی لە خوێنی گەل و شۆڕشگێڕاندا هەبێت، چارەنووسیان وەک ئەم کەسانە دەبێت و سزای پێویست دەدرێن.
بەم شێوەیە، ئەو لایەنانەی کە ئەو چالاکییانە دەخەنە ئەستۆی خۆیان و هیچ پەیوەندییەکیان پێیانەوە نییە، جارێکی تر هۆشدارییان پێ دەدەین، ئەوە دەبێتە هۆی فریودانی گەل و ڕای گشتیی و شەرمەزاری دەکەین.