بۆ جارێکی دیکە ئەمڕۆ شەممە بە دوو درۆن هێرشکرایەسەر بارەگا و بنکەی حزبی کۆمەڵە لە سورداش، بەگوێرەی راگەیەندراوی حزبەکە هیچ زیانێکی گیانی نەبووە.
ئاوێنە: حزبی کۆمەڵەی زەحمەتکێشانی کوردستان لەمیانی راگەیەندراوێکدا، رایگەیاند "ئەمرۆ لە کاتژمێر ١٧:١٠، دوو درۆنی خۆکوشی جۆری شاهید، یەک لە دوای یەک، نزیکی بارەگا و مەقەڕەکانی کۆمەڵەی زەحمەتکێشانی کوردستان لە ناوچەی سورداش کردە ئامانج".
ئەوەش هاتووە "ئەم هێرشە ژمارەی هێرشەکانی ئێران بۆسەر بنکە و بارەگاکانی کۆمەڵە، لە دەستپێکی ئەم شەڕەوە، گەیاندە ٩٧ هێرش بە مووشەک و درۆن".
ئەوەش خراوەتە روو، "خۆشبەختانە، سەرەڕای ئەو هێرشانەی ئەمڕۆ، هیچ زیانێکی گیانی بەدوادا نەهاتووە. ئەم ئەنجامە تاڕادەیەکی زۆر بەهۆی ئامادەباشی، خۆپاراستن و چاودێری بەردەوامی پێشمەرگە و فەرماندەکانی کۆمەڵە هاتووەتە دی، کە توانییان زیانە مرۆییەکان بگەننە کەمترین ئاست".