لە کاردانەوەیەکی فەرمیدا، وەزارەتی دەرەوەی کوێت نیگەرانیی قووڵی خۆی دەربڕی بەرانبەر بەو هێرشانەی کە بەرەبەیانی ئەمڕۆ خاک و پێگەکانی هەریەکە لە وڵاتانی بەحرین و ئوردنیان کرایە ئامانج. کوێت ئەم هەنگاوەی بە پێشێلکارییەکی روونی بنەماکانی یاسای نێودەوڵەتی، پەیماننامەی نەتەوە یەکگرتووەکان و بڕیاری ژمارە (2817)ی ئەنجومەنی ئاسایش ناv برد.

ئاوێنە: لای خۆیەوە، حکومەتی کوێت جەختت لەوە کردەوە کە پێویستە دەستبەجێ کۆتایی بەو ڕەفتار و کارە توندوتیژانە بهێنرێت کە دەبنە هۆی پەرەسەندنی زیاتری گرژییەکان. داواش کرا کە ڕێگەچارە دیپلۆماسییەکان، دیالۆگ و ڕێزگرتن لە بنەماکانی دروسێی باش و سەروەریی خاکی دەوڵەتان بکرێنە پێشەنگ، بە ئامانجی پاراستنی ئارامی و سەقامگیریی گشتیی ناوچەکە لە مەترسیی زیاتر.

لە کۆتایی راگەیەندراوەکەدا، هەڵوێستی نەگۆڕی کوێت دووپاتکرایەوە لە پشتگیریکردنی تەواوی هەردوو وڵاتی بەحرین و ئوردن، هاوکات پشتیوانیی بێمەرجی وڵاتەکەش بۆ سەرجەم ئەو ڕێوشوێن و هەنگاوە یاسایی و ئەمنیانە ڕاگەیەندرا کە ئوردن و بەحرین بۆ پاراستنی سەروەری، ئاسایش و سەقامگیریی ناوخۆییان دەیانبەنە بەر.