فەرماندەی فەرماندەیی هێزەکانی ئەمریکا لە رۆژهەڵاتی ناوەڕاست (سێنکۆم) رایگەیاند، لەکاتێکدا ئێران نەیتوانیوە یەک برمیلیش هەناردە بکات؛ لە دوو مانگی رابردوودا واشنتۆن توانیویەتی یەک ملیۆن بەرمیل نەوت لە گەرووی هورمز تێپەڕ بکەن.
ئاوێنە: براد کوپەر، فەرماندەی فەرماندەیی سێنتکۆم لە پەیامێکی ڤیدیۆییدا لەتۆڕی کۆمەڵایەتیی "ئێکس'' دەڵێت "هێزەکانی فەرماندەیی سێنتکۆم بە درێژایی دوو مانگی رابردوو توانیویانە لە گەرووی هورمز رێگەی پارێزراو بۆ تێپەڕبوونی نەوتی خاو بکەنەوە و یەک ملیۆن بەرمیل لەم رێگەیەوە هەناردە بکرێت".
کوپەر وتیشی "لەو ماوەیەدا رێگەی پارێزراو بۆ تێپەڕبوونی زیاتر لە هەزار کەشتی بازرگانی کراوەتەوە، ئەمەش لەچوارچێوەی هەوڵ و هەماهەنگییەکان رێکخراوە، هاوکات ئێران بەهۆی بەردەوامی گەمارۆی دەریاییەوە نەیتوانیوە یەک بەرمیل نەوت هەناردە بکات".
راشیگەیاند "رێڕەوە سەرەکییەکانی تێپەڕبوون لە رووی هورمز ئێستا لە هەموو جۆرە مین و تەقەمەنییەک پاککراوەتەوە".
بە وتەی ئەو "ئەمریکا بە هاوکاری شەش وڵاتی ئەندامی ئەنجوومەنی هاوکاریی کەنداو (GCC) و کۆمپانیاکانی بیمە و کەشتیوانی، هەوڵ دەدات قەبارەی هاتوچۆ لەم ڕێگایەدا زیاد بکات".