لە هەولێر پێنج كەسی دیكە توشی كۆرۆنا بون
  2020-06-04       291       

وەزارەتی تەندروستی حكومەتی هەرێمی كوردستان رایگەیاند: پێنج توشبوی دیكەی كۆرۆنا لە پارێزگای هەولێر تۆماركران كە سێ توشبویان دانیشتوی ناو شاری هەولێرن و دوانەكەی دیكە دانیشتوی ناحیەی خەلیفان-ن.

ئاوێنە: وەزارەتی تەندروستی، ئەمشەو پێنجشەممە، لە راگەیەندراوێكدا ئاشكرایكرد: لە بەردەوامی پشکنینەکان و گەڕان بەدوای گومانلێکراوان و توشبوان، پێنج توشبوی دیکەی ڤایرۆسی کۆرۆنا لە ھەولێر دەستنیشانکران.

بەپێی راگەیەندراوەكە توشبوەكان پێكدێن لە: دو پیاوی تەمەن ٦٧ و ٥١ ساڵ و ئافرەتێكی تەمەن ٧٥ ساڵ و دو منداڵی تەمەن ١٤ و ١١ ساڵان كە ھەمویان بەرکەوتوی توشبوانی پێشون.

هەروەها ئاماژەی بەوەشداوە كە دوان توشبوەكان دانیشتوی ناحیەی خەلیفانن و سێ توشبوەكەی دیكەش دانیشتوی هەریەكە لەگەڕەكانی بەھار، فەرمانبەران و باداوە-ی شاری هەولێرن.


زۆرترین بینراو
© 2020 Awene Online, Inc. All Rights Reserved.
×