لەشاری هانۆڤەری سەربەهەرێمی نیدەزاکسن لەوڵاتی ئەڵمانیا کوردانی هەرچوار پارچە دژ بەدەستدرێژیەکانی تورکیا بۆسەرهەرێمی کوردستان خۆپیشاندانێکی هێمننانەیان ڕێک خست
ئاوێنە، هەڵۆ ئەحمەد: خۆپیشاندانەکە لەژێر چاودێری هێزی پۆلیسی ئەڵمانیدا بەڕێوەچو، کۆمەڵێ ڕۆشنبیرو هاوڵاتی ئاسایی و کەسانی سیاسی بەشداریان کرد.
خۆپیشاندەرانی کورد بەدرووشمی تیرۆرست ئەردۆغان و بەڵێ بۆدەرکردنی سوپای توورک لەکوردستان دەستی پێکرد و بەتوندی بەرپەرچی هێرشەکانی تورکیایان مەحکووم کرد.
داوا لەنەتەوە یەکگرتووەکان و حکومەتی ئەڵمانیا کرا کە هەڵوێستی جدی بنوێنن دژ بەپێشلکاریەکانی دەوڵەتی تورکیا لەدژی کوردانی ڕۆژئاوا و باشور، لەئێستادا لەزۆربەی شارەکانی ئەڵمانیا هاوڵاتیانی کورد دژ بەدەستدرێژییەکانی تورکیا خۆپیشاندان دەکەن.