سێ گوندێن سەر ب دەڤەرا قەزا زاخو درەنگی شەڤا دەرباز بووی ژلایێ هێزین تورکیاڤە دهێتە بوردومانکرن.
ئاوێنە، وارهێل نێروەیی: رێڤەبەرێ ناحیا باتیفا، دلشێر عەبدولستار بۆ "ئاوێنە"راگەهاند: ئەڤرۆ سێشەمبی 30/06/2020 فرۆکێن جەنگی تورکیا ب مەرەماهەبوونا پارتا کرێکارێن کوردستانێ پەکەکێ (PKK)، سێ گوندێن ناحیا باتیفا سەر ب قەزا زاخوڤە بوردومان کرن.
گوت ژی: ئەو سێ گوندێن هاتینە بوردومانکرن ب ناڤێ( پیربلە، ئەبلەهی، منینێ) بەریا نها ئەو گوند هاتبوونە چول کرن ژبەر مەترسیا شەرێ دناڤبەرا هێرشێن تورکیا لسەر پەکەکێ ل وان دەڤەرا خەلکێ سڤیل تێدا نەماینە.
ئاشکرا ژی کر: هەرشڤێدی فرۆکێن جەنگی تورکیا چیایێ (شاقولی) ل زاخو ب توندی بوردومان کرن، پشتی ڤان هێرشێن تورکیا لسەر دەڤەرێن سنوری زاخۆ قەبارەیەکێ مەزن ژ دارستان و رەز و باخێ و چەمێن داروبارێ جوتیارێن دەڤەرێ زیانێن مەزن گەهشتینێ و نەشێن ڤەگرن لسەر گوندێن خوە.