پۆلیسى هەولێر ئەنجامى کارى شەش مانگى رابردوى بەڕێوەبەرایەتیەکەى بڵاوکردوەتەوەو ئاشكرایكرد كە لەمیانی هەڵمەتی دەستگیركردنی سواڵكەرەكاندا، سواڵکەرێک دەستگیركراوە كە لەماوەی سێ رۆژدا بڕى 13 ملیۆن دینارى کۆکردوەتەوە.
ئاوێنە: بەپێى داتاکەى پۆلیسى هەولێر، لە ماوەى ئەم شەش مانگەدا (655) تۆمەتبار لە هەمو تاوانە جیاوازەکان دەستگیرکراون کە پێک دێن لە دزى و کوشتن و ساختەکارى و سپیکردنەوەى پارە و مادە هۆشبەرەکان.
ئاماژە بۆ ئەوەشکراوە کە کۆمەڵێک تۆمەتباریش دەستگیرکراون کە چەندین ساڵ بوە بڕیارى دەستگیرکردنى هەبوە و نەتوانراوە دەستگیر بکرێت.
باس لەوەشکراوە کە (751) سواڵکەر لە هەردو رەگەز دەستگیرکراون کە هەندێکیان خۆیان بە نەخۆش و کەمئەندام لەقەڵەمداوە بەمەبەستى راکێشانى سۆزى هاوڵاتیان و لەنێویشیاندا سواڵکەرێک دەستگیركراوە كە بەو شێوەیە لە سێ رۆژدا (13) ملیۆن دینارى کۆکردوەتەوە
