وەزیری ئاوەدانکردنەوە: ئەمساڵ ژمارەیەک پڕۆژەی گرنگ لە ئاکرێ ئەنجامدەدەین
  2021-01-28       174       
وەزیری ئاوەدانکردنەوە و نیشتەجێکردن رایگەیاند، ھەمو ھەوڵێک دەدەن لەمساڵدا ژمارەیەک پڕۆژەی گرنگ بۆ ھاوڵاتیان لە سنوری قەزای ئاکرێ بەئەنجام بگەیەنن.

ئاوێنە: دانا عەبدولکەریم، وەزیری ئاوەدانکردنەوەو نیشتەجێکردن سەردانی قەزای ئاکرێی کردو لەلایەن قائیمقام و ژمارەیەک لەبەرپرسانی حکومییەوە پێشوازی کران، دواتر بەڕێوەبەرایەتی چاککردن و پاراستنی رێگاوبانی ئاکرێی بەسەرکردەوە و رایگەیاند، "ھاتنمان بۆ کۆبونەوە لەگەڵ قائیمقام و لەنزیکەوە گوێگرتن بوە لە داواکاری و پێداویستییەکانی سنورەکە کە وەک وەزارەتی ئاوەدانکردنەوە ئەو پڕۆژانەی لە چوارچێوەی کارەکانی ئێمەدایە چۆن بتوانین خزمەتی قەزای ئاکرێ بکەین".

ئاماژەی بەوەشکرد، قائیمقامی قەزای ئاکرێ چەند داواکاریەکیان پێشکەش کردوە، داواکارییەکان چەندین پڕۆژەی لەخۆ گرتوە، کە پڕۆژەی گرنگ بون، لەوانە دروستکردنی رێگای نوێ و نۆژەنکردنەوەی ھەندێ رێگای تر، کە نزیکەی 13 پڕۆژە دەبێت و کۆی تێچوی ئەو پڕۆژانەش کە گفتوگۆمان کردوە نزیکەی 16 بۆ 16.5 ملیار دینار دەبێت.

دانا عەبدولکەریم باسی لەوەشکرد، "بەڵێن بە خەڵکی ئاکرێ دەدەین کە نوێنەری ئەوان دەبین لە ئەنجومەنی وەزیران بۆ دابینکردنی ئەو بودجەیەو جێبەجێکردنی ئەو پڕۆژانە لەمساڵدا، کە خۆی دەبینێتەوە لە ژمارەیەک پڕۆژەی گرنگ بۆ سنورەکە".

ئاکرێ سەر بە پارێزگای دھۆکە، 95 کیلۆمەتر دورە لە شاری موسڵەوە و دەکەوێتە 120 کیلۆمەتر لە باشوری رۆژھەڵاتی پارێزگای دھۆکەوە، لەنێوان سێ چیادایە، خانوەکانی لەسەر یەک بەداوێنی شاخەکاندا ھەڵچون، ئەمە دیمەنێکی جوان و سەرنجڕاکێشی بە شارەکە بەخشیوە.
زۆرترین بینراو
پەناخوازێكی كورد لەبەریتانیا تۆمەتباردەكرێت بەكوشتنی ژنێك و پارچەپارچەكردنی
سەرۆکی عەشیرەتی غەوارە: پێنج چەکداری دەمامکدار ویستیان بمكوژن
عەلی کەریمی: سەرۆکی هاوپەیمانیی نیشتمانیی سوریا هاتوە لەگەڵ بارزانی ئەزموونی ڕۆژئاوای کوردستان لەناوببەن
ژمارەی سەربازە كوژراوەكانی روداوی تێكشكانی كۆپتەرە سەربازییەكەی توركیا بەرزبوەوە
سێ ئەندامی ئەنجومەنی ئاسایشی هەرێم "دانپێدانانەكان"ی سزادراوانی بادینان رەتدەكەنەوە
ئاسایشی هەرێم وتەی پێنج رۆژنامەنوس و چالاكوانی سزادراوی بادینان بڵاودەكاتەوە
مه‌لا به‌ختیار له‌سه‌ر كه‌یسى غالب محه‌مه‌دو ده‌ستێوه‌ردانى به‌رپرسان هاته‌ده‌نگ
هاتوچۆی هه‌رێم بڕیارێكی بۆ ئۆتۆمبێله‌ مۆدێل نزمه‌كان ده‌ركرد
فراكسیۆنی گۆڕان لەبارەی ڤیدیۆی "دانپێدانان"ی سزادراوانی بادینان راگەیەندراوێكی بڵاوكردەوە
کەشناسی هه‌رێم: باران بە لێزمە دەبارێت، لە هەندێک شوێن ئەگەری تەرزەبارین هەیە
© 2021 Awene Online, Inc. All Rights Reserved.
×