سێ ئەندامی ئەنجومەنی ئاسایشی هەرێمی كوردستان رایانگەیاند، ئاگاداری "دانپێدانان"ی دەستگیركراوانی بادینان نین كە لە راپۆرتێكی ڤیدیۆییدا بە ناوی ئەنجومەنەكەیانەوە بڵاوكراوەتەوە بۆیە رەتیدەكەنەوە.
ئاوێنە: ئەو سێ ئەندامەی ئەنجومەنی ئاسایشی هەرێمی كوردستان كە پێكهاتون لە هەریەكە لە سهرۆكی دهزگای ئاسایش، بهڕێوهبهری ئاژانسی پاراستن و زانیاری – زانیاری و بهڕێوهبهری ههواڵگریی پێشمهرگه لە ئەنجومەنەكە لە رونكردنەوەیەكدا وتویانە"ئێوارهی ئهمڕۆ سۆشیاڵمیدیای كهناڵی حزبێكی دیاریكراو، لهژێر ناوی دامهزراوهی (ئهنجومهنی ئاسایشی ههرێمی كوردستان)، راپۆرتێكی ڤیدیۆیی بڵاوكردۆهتهوه. لهو راپۆرتهدا، دانپێدانانی چهند كهسێك پهخش كراوهو تۆمهتی سیخوڕیكردنیان دراوهته پاڵ."
ئەوەشیان خستۆتەڕو"ئهمه لهكاتێكدا كه ئهنجومهنی ئاسایشی ههرێمی كوردستان، سهر به سهرۆكایهتی ههرێمی كوردستانه، كهناڵی بڵاوكردنهوهی فهرمیی ههیهو پێكهاتوه له پێنج ئهندام، بهڵام ئێمه سێ ئهندامی ئهنجومهنهكه به هیچ جۆرێك ئاگاداری ئهو راپۆرت و دانپێدانانه نین كه بهناوی ئهنجومهنی ئاسایش بڵاوكراونهتهوه."
وتوشیانە"ههر بڵاوكراوهیهكیش به بێ ئاگاداریی ئێمهو بێ پشتڕاستكردنهوهی زانیارییهكانی لهلایهن ئێمهوه بڵاوبكرێتهوه، سیفهتی فهرمیبون وهرناگرێت و نوێنهرایهتی بڵاوكراوهكانی ئهنجومهنی ئاسایش ناكات."
جەختیشیان كردۆتەوە "ئێمهی ئهندامانی ئهنجومهنی ئاسایش ههر جۆره بهیاننامهیهك رهتدهكهینهوه ئهگهر به ئاگاداریی ئێمه نهبێت و پێشتر له راستی و دروستییهكهی دڵنیا نهبین، دوپاتی دهكهینهوه ئهو بهیاننامهیهی ئهمڕۆش، تهعبیر له رای فهرمیی ئهنجومهنی ئاسایش ناكات."
دەقی رونكردنەوەكە...
ئێوارهی ئهمڕۆ سۆشیاڵمیدیای كهناڵی حزبێكی دیاریكراو، له ژێر ناوی دامهزراوهی (ئهنجومهنی ئاسایشی ههرێمی كوردستان)، راپۆرتێكی ڤیدیۆیی بڵاوكردۆهتهوه. لهو راپۆرتهدا، دانپێدانانی چهند كهسێك پهخش كراوه و تۆمهتی سیخوڕی كردنیان دراوهته پاڵ. ئهمه له كاتێكدا كه ئهنجومهنی ئاسایشی ههرێمی كوردستان، سهر به سهرۆكایهتی ههرێمی كوردستانه، كهناڵی بڵاوكردنهوهی فهرمیی ههیه و پێكهاتوه له پێنج ئهندام، بهڵام ئێمه سێ ئهندامی ئهنجومهنهكه به هیچ جۆرێك ئاگاداری ئهو راپۆرت و دانپێدانانه نین كه بهناوی ئهنجومهنی ئاسایش بڵاو كراونهتهوه.
ههر بڵاوكراوهیهكیش به بێ ئاگاداریی ئێمه و بێ پشتڕاستكردنهوهی زانیارییهكانی لهلایهن ئێمهوه بڵاو بكرێتهوه، سیفهتی فهرمیبون وهرناگرێت و نوێنهرایهتی بڵاوكراوهكانی ئهنجومهنی ئاسایش ناكات. بۆیه ئێمهی ئهندامانی ئهنجومهنی ئاسایش ههر جۆره بهیاننامهیهك رهتدهكهینهوه ئهگهر به ئاگاداریی ئێمه نهبێت و پێشتر له راستی و دروستییهكهی دڵنیا نهبین، دوپاتی دهكهینهوه ئهو بهیاننامهیهی ئهمڕۆش، تهعبیر له رای فهرمیی ئهنجومهنی ئاسایش ناكات.
سهرۆكی دهزگای ئاسایشی ههرێمی كوردستان
بهڕێوهبهری ئاژانسی پاراستن و زانیاری - زانیاری
بهڕێوهبهری ههواڵگریی پێشمهرگه
٤/٣/٢٠٢١