بەگوێرەی دزەكردنی بەرنامەی "بیگاسۆس" لەبارەی پرۆگرامی سیخوڕیكردنی ئیسرائیلی NSO كە تایبەتە بە تەكنەلۆجیا مۆبایلی مەسرور بارزانی ماوەی ساڵ و نیوێك لەبەردەم ئەگەری هاككردندا بووە بۆ ئیماراتی عەرەبی.
ئاوێنه: زانیارییەكانی دزەكردنەكە كە ماڵپەڕی دەرەج میدیای لوبنانی بەدواداچوونی بۆ كردووە ئاماژە بەوە دەكات، گوێگرن لە پەیوەندییە تەلەفۆنییەكان و دانانی لە لیستی گوێگرن جگە لە مەسرور بارزانی كەسانی نزیك لەویشی گرتووەتەوە، لەوانەش یەكێك لە ڕاوێژكارە ئەمنییەكانی.
"بیگاسۆس" تایبەتە بە بەدواداچوونی پرۆگرامی گوێگرتن و سیخوڕیكردنی كۆمپانیایەكی ئیسرائیلی كە تایبەتە بە تەكنەلۆژیای هەواڵگری ئەلەكترۆمی كە لەبەرژەوەندی دەزگا هەواڵگرییەكانی سعودیە و ئیمارات كاری كردووە، رۆژنامەی واشنتۆن پۆست-ی ئەمەریکی ئاماژە بەوە دەکات جگە لە سەرۆككۆمار بەرهەم ساڵح و مستەفا كازمی سەرۆكوەزیرانی عێراق و محەمەد حەلبوسی سەرۆكی پەرلەمان ناوی ژمارەیەكیتر كەسایەتیتر هەیە لە لیستی چاودێری لەوانەش عادل عەبدولمەهدی و ژمارەیەك فەرماندەی سوپا.