نێچیرڤان بارزانی: بزوتنه‌وه‌ی گۆڕان ڕۆڵ و سه‌نگی به‌رچاوی له‌ پرۆسه‌ی سیاسیی كوردستاندا هه‌یه‌
  2021-07-25       199       
نێچیرڤان بارزانی سه‌رۆكی هه‌رێمی كوردستان ، په‌یامێكی پیرۆزبایی ئاراسته‌ی بزوتنه‌وه‌ی گۆڕان كرد و رایگه‌یاند، بزوتنه‌وه‌ی گۆڕان وه‌ك لایه‌نێكی كاریگه‌ر، ڕۆڵ و سه‌نگی به‌رچاوی له‌ كایه‌ و پرۆسه‌ی سیاسیی كوردستاندا هه‌یه‌ .

ئاوێنە: له‌په‌یامێكی پیرۆزباییدا نێچیرڤان بارزانی كه‌ ئارسته‌ی عومه‌ر سه‌ید عه‌لی رێكه‌ری گشتی بزوتنه‌وه‌ی گۆڕان كردوه‌ رایگه‌یاندوه‌، له‌ یادی 12 ساڵه‌ی دامه‌زراندنی بزوتنه‌وه‌ی گۆڕاندا، به‌ گه‌رمی پیرۆزبایی له‌ به‌ڕێزتان و ئه‌ندامانی خانه‌ی ڕاپه‌ڕاندن و جڤاتی نیشتمانی و سه‌رجه‌م ئه‌ندام و لایه‌نگرانی بزوتنه‌وه‌كه‌تان ده‌كه‌م.

ئه‌وه‌شی خستوه‌ته‌ڕو، "بزوتنه‌وه‌ی گۆڕان وه‌ك لایه‌نێكی كاریگه‌ر، ڕۆڵ و سه‌نگی به‌رچاوی له‌ كایه‌ و پرۆسه‌ی سیاسیی كوردستاندا هه‌یه‌، ئه‌و پرۆسه‌یه‌ی ئه‌مڕۆ له‌ هه‌ركات زیاتر یه‌كڕیزی و پێكه‌وه‌یی له‌ هه‌مو لایه‌ك ده‌خوازێت".

سه‌رۆكی هه‌رێمی كوردستان هه‌ر له‌په‌یامه‌كه‌یدا باسی له‌وه‌كردوه‌، "هیوادارم ئه‌م یاد و بۆنانه‌ ببنه‌ ده‌رفه‌تی قوڵكردنه‌وه‌ی گیانی ته‌بایی، پته‌وكردنی په‌یوه‌ندی و هاوخه‌باتیی نێوان لایه‌نه‌كان، كاری هاوبه‌ش بۆ چاره‌ی قه‌یران و گرفته‌كان به‌ره‌و پاراستنی ماف و ده‌سكه‌وته‌كان و به‌دیهێنانی ژیان و گوزه‌رانێكی باشتر بۆ گه‌لی كوردستان. دوباره‌ پیرۆزباییتان لێده‌كه‌م و هیوای سه‌ركه‌وتنتان بۆ ده‌خوازم".
زۆرترین بینراو
© 2021 Awene Online, Inc. All Rights Reserved.
×