ئێران و سعودیە درێژە بە گفتوگۆكانیان لە بەغدا دەدەن
  2021-09-25       136       

بەپێی قسەی باڵیۆزی ئێران لە بەغدا گفتوگۆكانی نێوان وڵاتەكەی و عەرەبستانی سعودیە بەردەوام دەبن و گەڕی چوارەمی گفتوگۆكانیشیان هەر لە بەغدا بەڕێوەدەچێت.

ئاوێنە: ئیرەج مەسجدى، باڵیۆزى ئێران لە بەغدا لە چاوپێکەوتنێکیدا لەگەڵ ئاژانسى هەواڵى  فەرمى عێراق رایگەیاند، گەڕى چوارەمى گفتوگۆکانى نێوان ئێران و سعودیە لە بەغدا ئەنجام دەدرێت، بێ ئەوەى وادەکەى دیارى بکات.

ئاشکراشیکرد، گفتوگۆکانى نێوان وڵاتەکەى و سعودیە بە باشى بەرەو پێشەوە دەچێت، هەردولاش خواستى دانوستان و گەیشتن بە ئەنجامێکیان هەیە.

سەرەتاى ئەم مانگەدا، ئیرەج مەسجدى باڵیۆزى ئێران لە بەغدا لەمیانى بەشداریکردنى لە کۆڕبەندى رافیدەین، رایگەیاندبو، بەهاوکارى حکومەتى عێراق سێ گەڕى دانوستانمان لەگەڵ سعودیە لە بەغدا ئەنجامداوە.


زۆرترین بینراو
© 2021 Awene Online, Inc. All Rights Reserved.
×