هەڤاڵ ئەبوبەكر، پارێزگاری سلێمانی، رایگەیاند، بەهۆی نزمبونەوەی زۆری پلەكانی گەرماو دروستبونی ئاستەنگی هاتوچۆ، سبەی یەكشەممە، دەوامی دامودەزگاكان لە سلێمانی سەعات 10ی سەرلەبەیانی دەستپێدەكات.
ئاوێنە: هەڤاڵ ئەبوبەكر، كەمێك لەمەوبەر، لە راگەیەندراوێكدا وتی"دامودەزگا حکومییەکان بۆ خزمەتکردنی هاوڵاتیان، بەردەوام دەبن لە کاری رۆژانەی خۆیاندا، لە بەر نزمبونەوەی زۆری پلەکانی گەرماو دروستبونی ئاستەنگی هاتوچۆ لە هەندێک ناوچەو گەڕەکەکاندا، دەوامی سبەینێی دامودەزگاکان (یەکشەممە 23ی مانگ)، لە سنوری پارێزگای سلێمانی؛ لە سەعات 10ی بەیانی دەستپێدەکات بۆ سەعات 2ی پاشنیۆڕۆ."
ئاوێنە لە تەلەگرام جۆین بكە
ئەوەش لەكاتێكدایە بەهۆی ئەو شەپۆلی بەفرو سەرمایەی ناوچە جیاجیاكانی هەرێمی كوردستان و سلێمانی گرتۆتەوە، سێ رۆژی كۆتایی هەفتەی رابردو، دەوام لە فەرمانگەكانی پارێزگای سلێمانی راگیرا.