ئاسایشی سلیمانی: پێنج بازرگان و دەڵاڵ كە بەنایاسایی مامەڵەیان بە زەوی و موڵكی گشتییەوە كردوە دەستگیركراون
  2022-08-19       377       

ئاسایشی سلێمانی رایگەیاند، پێنج بازرگان و دەڵاڵ كە بەنایاسایی مامەڵەیان بە زەوی و زارو موڵكی گشتییەوە كردوە، دەستگیركراون و بڕیاری دەستگیركردنیش بۆ دەیان لێپرسراو و فەرمانبەری دامەزراوە کارگێڕییەکان و چەندین کەسی تر کە وەک بریکارو دەڵاڵی زەوی و زار مامەڵەی نایاساییان راییکردوە، لەلایەن دادگاوە دەرچوە.

ئاوێنە: بەڕێوەبەرایەتی ئاسایشی پارێزگای سلێمانی، ئێوارەی ئەمڕۆ هەینی، لە راگەیەندراوێكدا ئاشكرایكرد"‎ ‎بەبڕیاری بەڕێز دادوەر پێنج بازرگان و دەڵاڵ کە بەڕێکاری نایاسایی مامەڵەیان بە زەوی و زار و موڵکی گشتییەوە کردوە دەستگیرکراون."

وتوشیەتی"دەیان لێپرسراو و فەرمانبەری دامەزراوە کارگێڕییەکان و چەندین کەسیش کە وەک بریکار و دەڵاڵی زەوی و زار مامەڵەی نایاساییان راییکردوە، لەلایەن دادگاوە بڕیاری دەستگیرکردنیان بۆ دەرچوە و لەلایەن ھێزەکانمان بە ھەماھەنگی لەگەل ھێزەکانی کۆماندۆی کوردستان رێوشوێنی پێویستی بۆ وەرگیراوە و دەستگیرکردنیان چوەتە بواری جێبەجێکردنەوە."

ئاماژەی بەوەشداوە كە "لەچەند رۆژی داھاتوشدا بەردەوام دەبین لەدەستگیرکردنی ھەمو ئەوانەی لەسەر بەرژەوەندی گشتی و مافی خەڵک پۆستەکانیان بۆ كاری نایاسایی قۆستوەتەوە."

ئاسایشی سلێمانی وتوشیەتی"‎بۆ ھەمولایەکیشی رون دەکەینەوە ئەو ‎کەسانەی بڕیاری دەستگیرکردنیان بۆ دەرچوە پۆست و دەسەڵاتی خۆیان لە فەرمانگە حکومییەکان بۆ کاری نایاسایی و دور لە رێنماییەکان و رەوشتی بەرزی فەرمانبەری بەکارهێناوە، لەبەرامبەر رەشوە مامەڵەی خەڵکی تریان تێپەڕاندوە و چەندین دۆسیەی زەوی و زار و موڵکی گشتییان لەدەرەوەی یاسا بەرکارەکانی ھەرێم داگیرکردوە، بەکرێگیراوبون و لەبەرامبەر بڕە پارەیەکدا ئەو کارانەیان ئەنجامداوە."

دەقی راگەیەندراوەكە:

‎ ‎بەبڕیاری بەڕێز دادوەر پێنج بازرگان و دەڵاڵ کە بەڕێکاری نایاسایی مامەڵەیان بە زەوی و زار و موڵکی گشتییەوە کردوە دەستگیرکراون، دەیان لێپرسراو و فەرمانبەری دامەزراوە کارگێڕییەکان و چەندین کەسیش کە وەک بریکار و دەڵاڵی زەوی و زار مامەڵەی نایاساییان راییکردوە، لەلایەن دادگاوە بڕیاری دەستگیرکردنیان بۆ دەرچوە و لەلایەن ھێزەکانمان بە ھەماھەنگی لەگەل ھێزەکانی کۆماندۆی کوردستان رێوشوێنی پێویستی بۆ وەرگیراوە و دەستگیرکردنیان چوەتە بواری جێبەجێکردنەوە. لەچەند رۆژی داھاتوشدا بەردەوام دەبین لەدەستگیرکردنی ھەمو ئەوانەی لەسەر بەرژەوەندی گشتی و مافی خەڵک پۆستەکانیان بۆ كاری نایاسایی قۆستوەتەوە.

‎بۆ ھەمولایەکیشی رون دەکەینەوە ئەو ‎کەسانەی بڕیاری دەستگیرکردنیان بۆ دەرچوە پۆست و دەسەڵاتی خۆیان لە فەرمانگە حکومییەکان بۆ کاری نایاسایی و دور لە رێنماییەکان و رەوشتی بەرزی فەرمانبەری بەکارهێناوە. لەبەرامبەر رەشوە مامەڵەی خەڵکی تریان تێپەڕاندوە و چەندین دۆسیەی زەوی و زار و موڵکی گشتییان لەدەرەوەی یاسا بەرکارەکانی ھەرێم داگیرکردوە، بەکرێگیراوبون و لەبەرامبەر بڕە پارەیەکدا ئەو کارانەیان ئەنجامداوە.

‎بەڕێوەبەرایەتی ئاسایشی سلێمانی

‎١٩ی ئابی ٢٠٢٢

 

زۆرترین بینراو
© 2022 Awene Online, Inc. All Rights Reserved.
×