لە ئەنجامی هێرشێکی چەکداری بۆ سەر ناوەندێکی بازرگانی لە ئیستانبول چەند کەسێک برینداربوون و زۆرینەیان بیانی بوون.
ئاوێنە: ڕۆژنامەی سەباحی تورکی بڵاویکردەوە لە کافتریای ناوەندی بازرگانیی (سەریەر ئەیازاغا) لە ئیستانبول چەند کەسێک هێرشی چەکدارییان کردووەتە سەر کەسانێکی دیکە و بەهۆیەوە ژمارەیەک بوونەتە قوربانی.
بەپێی ئەو زانیارییانەی میدیای تورکیا بڵاویکردووەتەوە، لە هێرشەکەدا شەش کەس برینداربوون و تەنها یەک کەسیان هاوڵاتیی تورکییە و پێنجەکەی دیکە بیانی بوون.
ئاماژە بەوەشکراوە، دۆخی تەندروستیی یەکێک لە بریندارەکان ناجێگیرە.
هیچ یەکێک لە ئەنجامدەرانی هێرشەکە دەستگیرنەکراون.