سوپای پاسداران لەبارەی خۆپیشاندانەكانەوە ڕاگەیەندراوێکیان بڵاوکردەوە
  2022-09-23       460       

 سوپای ئێران لە هەڵوێستێكدا سەبارەت بە ناڕەزایەتی و خۆپیشاندانەكان ڕایگەیاند، ”ڕووبەڕووی دوژمنان دەبینەوە.”  

ئاوێنە: سوپای كۆماری ئیسلامی ئێران لە ڕاگەیەنراوێكدا دەڵێت، ”ئەم کردەوە نائومێدانەیە بەشێکن لە ستراتیژێک بۆ لاوازکردنی ڕێژیم.”  

ڕاشیگەیاند، "كارمەندانی سوپا بە تەواوی بەرگری و پشتیوانی لە هاوڕێیانیان لە فەرماندەیی پۆلیس دەكەن.”  

سوپا ناڕەزایەتییەکانی ئەم دواییەی سەر شەقامەکانی بە "بزووتنەوەی ئاژاوەگێڕان" ناوبردووە و ئیدانەی کردووە.  

ئاماژە بەوەشکراوە: "کارمەندانی سوپا وێڕای پشتیوانییەکی تەواو لە هاوڕێیانیان لە فەرماندەیی جێبەجێکردنی یاسای کۆماری ئیسلامی، ئامادەن بۆ مامەڵەکردن لەگەڵ پیلانگێڕییە جۆراوجۆرەکانی دوژمنان و بەرگری لە ئاسایش و بەرژەوەندییەکانی نەتەوەی ئێران لە بەرامبەر پیلانگێڕییەکانی دوژمنان تا دوا سات”.  

 

زۆرترین بینراو
© 2022 Awene Online, Inc. All Rights Reserved.
×