بەڕێوەبەرایەتی گشتی کەشناسی و بومەلەرزەزانی ھەرێم تێکڕای بارانبارینی لەماوەی ١٢ سەعاتدا بڵاوکردەوە و زۆرترین رێژەی بارانبارین لەسەر ئاستی ھەرێم لەحاجی ئۆمەران بووە کە ٢١ ملیم بووە.
ئاوێنه: بەڕێوەبەرایەتی گشتی کەشناسی و بومەلەرزەزانی ھەرێم خشتەی تێکڕای باران بارینی لەسەعات ٩ی ئێوارەی دوێنێ بۆ ٩ی بەیانی ئەمڕۆ بڵاوکردەوەو لەسەر ئاستی پارێزگای ھەولێر، زۆرترین رێژەی بارانبارین لەحاجی ئۆمەران بووە کە ٢١ ملیم بووە، لەپارێزگای سلێمانیش، لەناو شار ١١.٨ ملیم، چەمچەماڵ ٥.١، سەرکەپکان ٩.٥، پێنجوێن ١٢.٥، سەیدسادق ٨.١ و لە دەربەندیخانیش ٣.٨ ملیم باران باریوە.
لەپارێزگای دھۆکیش زۆرترین رێژەی بارانبارین لە زاخۆ بووە کە ١٨ ملیم بووە، لە پارێزگای ھەڵەبجە و لەناو شاری ھەڵەبجە ٧ ملیم، تەوێڵە ١٢.٥ و لە بیارەش ١٠.٥ملیم باران باریوە، لە پارێزگای کەرکوکیش باران نەباریوە.