چیا قاسم وەك 9هەمین ژن لە پارێزگای هەڵەبجە پۆستێكی گرنگی وەرگرت و بووە بەرێوەبەری گشتی گەشتوگوزار پارێزگاكە.
ئاوێنه: ڕاگەیاندنی پارێزگای هەڵەبجە بڵاویكردەوە، بە ئامادەبوونی ئازاد تۆفیق پارێزگاری هەڵەبجە وئەمەل جەلال سەرۆکی دەستەی گەشت و گوزاری هەرێم و جێگرانی پارێزگارو قائیمقامی هەڵەبجە لە مەڕاسیمێکدا بەڕێوبەری گشتی گەشت و گوزاری هەڵەبجە دەستبەکاربوو و ڕێز لە بەڕێوبەری پێشووی گەشت و گوزاری هەڵەبجە گیرا.
ئاماژەشیان بەوەكردوە، لە ووتەیەکدا پارێزگاری هەڵەبجە ئاماژەی بەگرنگی کردنەوەی بەڕێوبەرایەتی گشتی گەشت و گوزار کرد و ئەرک و کارەکانی غەریب ئەحمەدی لە ڕابردوو بە هەنگاوێکی باش وەسفکرد و پیرۆزبایی لە چیاقاسم بەڕێوبەری نوێی گەشت و گوزار کرد و پشتیوانی بۆ سەرخستنی کارەکانی ڕاگەیاند و سوپاسی سەرۆکی دەستەی گەشت وگوزاری کرد لە کردنەوەی بەڕێوبەرایەتیەگشتیەکە.
باسیان لەوەشكرد، لای خۆشیە سەرۆکی دەستەی گەشت و گوزاری هەرێم ڕایگەیاند هەڵەبجە ناوچەیەکی گەشتیاری گرنگە، چیمان پێبکرێت بۆ کەرتی گەشتیاری لەهەڵەبجە دەیکەین.