یەکێکی دیکە لە بریندارەکانی تەقینەوەکەی شەوی رابردووی دهۆک کە پۆلیس بوو، گیانی لەدەستدا.
ئاوێنە: ئەو پۆلیسەی گیانی لەدەستداوە ناوی کوڤان محەممەد سەعیدە، بە گیانلەدەستدانی ئەو پۆلیسە ژمارەی گیان لەدەستدان بەهۆی تەقینەوەکەی شەوی رابردووی دهۆک کە بەهۆی تەقینی تانکیی غاز روویدا بووە پێنج کەس و تا ئێستاش 32 کەس بریندارن.
هێمن سلێمان، وتەبێژی پۆلیسی دهۆک بە رووداوی راگەیاند: "دوای برینداربوونی بەهۆی تەقینەوەکەی شەوی رابردوو، بەداخەوە کوڤان محەممەد سەعید گیانی لەدەستدا".
لەناو ئەو کەسانەی کە لە تەقینەوەکەی دهۆک گیانیان لەدەستداوە ئەفسەرێکی پۆلیس، دوو پۆلیس، خوێندکارێکی زانکۆ و کرێکارێکە.
ناوی ئەو پێنج کەسەی لە تەقینەوەکەی دهۆک بەهۆی تەقینی تانکیی غاز گیانیان لەدەستدا
عەلی بەرواری - ئەفسەری پۆلیس
غەفوور عومەر- پۆلیس
کوڤان محەممەد سەعیدە - پۆلیس
نیهاد عەلی سەعدوڵڵا - خوێندکار
ئەیاد سعود ئەحمەد - کرێکار