ئومێد خۆشناو: رێگری هەبو بۆیە لەهەولێر پرسەمان بۆ قوربانیانی تەقینەوەكەی سلێمانی دانەنا
  2022-11-24       527       

ئومێد خۆشناو، پارێزگاری هەولێر، لەبارەی هۆكاری دانەنانی پرسە بۆ قوربانیانی تەقینەوەی غازەكەی سلێمانی لە هەولێر، رایگەیاند، رێگری هەبو بۆیە نەمانتوانی پرسەكە دابنێین.

ئاوێنە: ئومێد خۆشناو، ئێوارەی ئەمڕۆ پێنجشەممە، لە كۆنگرەیەكی رۆژنامەوانیدا رایگەیاند، "ئێمە بڕیارماندابو لە سنوری پارێزگای هەولێر پرسە بۆ قوربانیانی تەقینەوەكەی شاری سلێمانی دابنرێت كە دواتریش ئەو كارەساتەی دهۆكی بەسەردا هات، چونكە بەو روداوە هەمو خەڵكی كوردستان ویژدانی ئازاری چەشت."

ئاماژەی بەوەشدا "بەدڵنیایی هۆكار هەیە كە پرسەكە دانەنرا. بەڵام بەداخەوە بابەتێكی وا كە كۆستێكی گەورەیە بۆ شاری سلێمانی بۆ هەرێمی كوردستان و بۆ بنەماڵەی بەڕێزی قوربانییەكان، خۆزگە بە ئاڕاستەی سیاسیدا نەبرایە، چونكە ئەو بابەتە هیچ پەیوەندییەكی بە هیچ هێزێكی سیاسییەوە نییە."

ئەوەشی خستەڕو"ئەو بڕیارەی ئێمە دابومان، بەدڵنیایی رێگری هەبوە بۆیە نەمانتوانی ئەو پرسەیە ئەنجام بدەین."

زۆرترین بینراو
© 2022 Awene Online, Inc. All Rights Reserved.
×