لەميانەى نوێترین کۆنگرەی ڕۆژنامەوانیدا، دیندار زێباری ڕێکخەری نوسینگەی ڕاسپاردە نێودەوڵەتییەکانی حکومەتی ماوە بەسەرچووى هەرێم وەڵامی ڕاپۆرتی وەزارەتی دەرەوەی ئەمریکای دایەوە و ڕاشى گەیاند"هیچ ئەشکەنجەدانێک لە زیندانەکانی هەرێم نییە و کەیسی بادینان بە سیاسی کراوە و بەرپرسەی حکومەتی هەرێم، کەیسی زیندانیانی بادینان تەواو بە سیاسی کراوە، ئۆپۆزسیۆنێکی گەورەی لە پشتە".
ئاوێنە: لەبارەى بەکارهێنانى وشەى بادینانەوە دەشڵێت :"بەکارهێنانی وشەی بادینان بەمەبەست کراوە، چونکە شتێک نیە بە ناوی زیندانیانی بادینان، بەڵکو لە بادینان بە سەدان کەس گیراوە.. بەس ئەو کەیسە بە سیاسی کراوە".
بەوتەی دیندار زێباری :"شەش هەزار زیندانی لە کوردستان هەیە، نیوەی ئەو زیندانیانە لەسەر مادەی هۆشبەر دەستگیرکران و لە کوردستان ٧ هەزار ڕۆژنامەنووس تۆمارکراوە، لە ڕاپۆرتی وەزارەتی دەرەوەی ئەمریکا تەنیا ئاماژە بە ١٣ ڕۆژنامەنووس کراوە".
دیندار زێباری ئەوەشى خستۆتە ڕوو:" پێویستە حکومەتی ئەمریکا، سوپاسی حکومەتی هەرێم بکات بۆ ئەو هاوکارییانەی پێشکەش بە ئێزیدیەکانی کراوە".