وەزارەتی تەندروستی ئێران ئاشكرایكرد: لەماوەی 24 سەعاتی رابردودا 144 كەس بە ڤایرۆسی كۆرۆنا گیانیان لەدەستداوەو دو هەزارو 926 كەسیش توشی ڤایرۆسەكە بون.

ئاوێنە: كیانوش جەهانپور، وتەبێژی وەزارەتی تەندروستی ئێران رایگەیاند: لە نیوەڕۆی دوێنێوە تا نیوەڕۆی ئەمڕۆ(هەینی)، دو هەزار و 926 حاڵەتی نوێی توشبون بە كۆرۆنا تۆماركراون و بەوەش كۆی گشتی توشبوانی كۆرۆنا لەسەرتاسەری ئێران گەیشۆتە 32 هەزارو 332 حاڵەت.

هەروەها هێمای بۆ ئەوەش كرد كە لەماوەی 24 سەعاتی رابردودا 144 توشبوی كۆرۆنا گیانیان لەدەستداوەو بەوەش كۆی گشتی ئەوانەی بە ڤایرۆسەكە گیانیان لەدەستداوە بەرزبۆتەوە بۆ دو هەزارو 378 كەس.

بەپێی قسەی وتەبێژی وەزارەتی تەندروستی ئێران تاوەكو ئێستا 11 هەزارو 133 توشبوی كۆرۆنا چاكبونەتەوەو نەخۆشخانەیان جێهێشتوە.

هەروەها ئاشكراشیكرد كە لەكۆی ژمارەی توشبوانی كۆرۆنا، دو هەزارو 893 توشبویان باری تەندروستیان ناجێگیرە.