بانکى ناوەندیى عێراق بڵاوی کردەوە، ئەمڕۆ بڕى ٢٠٩ ملیۆن و ٩٩٤ هەزار و ٩٨ دۆلار خراوەتە بازاڕەکانەوە، دەشڵێن لەو بڕە ٣٢ ملیۆن و ٤٢٠ هەزار دۆلار بە شێوەى نەقد فرۆشراوە و ١٧٧ ملیۆن ٥٧٤ هەزار و ٩٨ دۆلاریش بە شێوەى حەواڵە فرۆشراوە.
ئاوێنە: بانکى ناوەندى عێراق لە ڕاگەیەندراوێکدا بڵاوی کردەوە، ئەمڕۆ بڕى ٢٠٩ ملیۆن و ٩٩٤ هەزار و ٩٨ دۆلار خراوەتە بازاڕەکانەوە.
ئەوەش خراوەتە ڕوو، لەو بڕە ٣٢ ملیۆن و ٤٢٠ هەزار دۆلار بە شێوەى نەقد فرۆشراوە و ١٧٧ ملیۆن و ٥٧٤ هەزار و ٩٨ دۆلاریش بە شێوەى حەواڵە فرۆشراوە.
ئەوەش لە کاتێکدایە، ماوەى چەند مانگێگە بەهاى دۆلارى ئەمریکى لە بازاڕەکانى عێراق و هەرێمى کوردستان بەرامبەر دینارى عێراق بە شێوەیەکى بەرچاو بەرزبووەتەوە، بە جۆرێک لە ئێستادا ١٠٠ دۆلار بەرامبەر ١٥٣ هەزار و ٢٥٠ دینار ئاڵوگۆڕی پێ دەکرێت و ئەوەش نیگەرانى هاوڵاتییانى بەدواى خۆیدا هێناوە.