لەئێستادا لەكۆتایی مانگ نزیك دەبینەوەو دەبوو حكومەتی هەرێمی كوردستان لیستی مووچەی مانگی شەشی ڕەوانەی بەغداد بكرایە، بەڵام هێشتا لیستەكە ئامادە نەكراوە.
سەرچاوەیەك لەوەزارەتی دارایی و ئابوری حكومەتی هەرێمی كوردستان میدیاکانی ڕاگەیاندووه، لەئەمڕۆ یەكشەممەوە وەزارەتی دارایی دەست بەئامادەكردنی لیستی موچەی مانگی 6ی موچەخۆرانی هەرێم دەكات و لیستەكە چەند گۆڕانكاریەكی كەمی تێدا دەكرێت.
ئاماژەی بەوەشدا، پێدەچێت تاوەكو كۆتایی ئەم هەفتەیە لیستەكە ئامادە بكرێت و دواتر ڕەوانەی وەزارەتی دارایی عێراقی دەكات.
لەعێراقدا لە دوێنێ شەممەوە دەستبەدابەشكردنی موچەی مانگی 6ی موچەخۆران كراوەو لەماوەی چەند ڕۆژێكی كەمدا موچەی سەرجەم وەزارەتەكان دابەشدەكرێت.