ئەمڕۆ یەكشەممە، تەقینەوەیەك لەنێو كەنیسەی مار ئیلیاس لە دیمەشقی پایتەختی سوریا رویداو دەیان كوژراو و برینداری لێكەوتەوە.
ئاوێنە: وەزارەتی ناوخۆی سوریا لە راگەیەندراوێكدا ئاشكرایكرد، خۆكوژێكی سەربە رێكخراوی داعس چۆتە ناو كەنیسەی مار ئیلیاس لە گەڕەكی "دویلەعە"ی دیمەشقی پایتەخت و تەقەی كردوەو پاشان خۆی تەقاندۆتەوە كە پشتێنی بۆمبڕێژكراوی بەستوە.
هاوكات وەزارەتی تەندروستی سوریا رایگەیاند، بەپێی زانیارییە سەرەتاییەكان لە تەقینەوەكەدا 13 كەس كوژراون و 53ی دیكەش برینداربون.