شارەزایەکی کەشناسی ڕایگەیاند، بارستە هەوایەکی سارد ناوچەکە دەگرێتەوە و پێشبینی دەکرێت لە چەند ڕۆژی داهاتوودا شەپۆلێکی بارانبارینی بەخوڕ و هەورەبروسکە ناوچەکانی هەرێمی کوردستان و وڵاتانی دراوسێ بگرێتەوە.
ئاوێنە: ئاراس جەبار، شارەزای بواری کەشناسی، لە ڕاگەیەندراوێکدا ئاماژەی بەوە کردووە کە بەهۆی دروستبوونی بارستە هەوایەکی سارد لە چینەکانی سەرەوەی بەرگەهەوای دەریای ناوەڕاستەوە، لەم چەند ڕۆژەدا زۆرینەی ناوچەکانی تورکیا و باکووری ڕۆژئاوای سووریا رووبەڕووی بارانی بەخوڕ، هەورەبروسکە و مەترسی دروستبوونی لافاو دەبنەوە.
کاریگەرییەکان لەسەر هەرێمی کوردستان و عێراق:
کاتی گەیشتن: شەپۆلەکە لە ڕۆژی سێشەممە (١٨ی ئاب) دەگاتە ناوچەکانی هەرێمی کوردستان و عێراق.
دابەزینی پلەکانی گەرما: پلەکانی گەرما لەنێوان ٣ بۆ ٥ پلەی سیلیزی نزمبوونەوە بەخۆیانەوە دەبینن.
ماوەی کاریگەری: پێشبینی دەکرێت کاریگەرییەکانی ئەم شەپۆلە تا ٢٠ی ئاب بەردەوام ببن.
لەلایەکی ترەوە، پسپۆڕانی کەشناسی پێشبینی دەکەن کە وەرزی پایزی ئەمساڵ پێشوەختە دەستپێبکات و بڕێکی باش و پێویست باران ببارێت.