وه‌زاره‌تی كاره‌بای حكومه‌تی هه‌رێم رایده‌گه‌یه‌نێت، له مانگی حه‌وتدا، نیوه‌ی هاوڵاتیانی هه‌رێمی كوردستان له پرۆژه‌ی روناكی كه‌متر له 29 هه‌زار دینار پاره‌ی كاره‌بایان بۆ هاتۆته‌وه.
ئاوێنه: وه‌زاره‌تی كاره‌بای حكومه‌تی هه‌رێمی كوردستان، ئه‌مڕۆ یه‌كشه‌ممه، داتای پسوڵه‌كانی مانگی حه‌وتی پڕۆژه‌ی روناكی راگه‌یاند.
به‌پێی داتاكان نیوەی هاوڵاتیانی هه‌رێمی كوردستان لە پڕۆژەی ڕووناکیدا کەمتر لە 29 هه‌زار دینار پاره‌ی كاره‌بایان بۆ هاتۆته‌وه له مانگی حه‌وت.
وه‌زاره‌ته‌كه وتوشیه‌تی، زۆرینەی هاوڵاتیيان ماوەی خولی پسولەکەیان نزیکەی 33 ڕۆژە.
ئاماژه‌ی به‌وه‌شداوه، لەم خولەدا، کێشەی پسولەی سفر بۆ ئەو هاوبەشانەی ئەو کێشەیەیان هەبو چارەسەر کراوە.
به‌گوێره‌ی داتاكان، نیوەی ماڵان لە پڕۆژەی ڕوناکی له‌سه‌ر ئاستی پارێزگاكان کەمتر لەم بڕانەی خوارەوە پاره‌یان بۆ گه‌ڕاوه‌ته‌وه له مانگی حه‌وت:
هەولێر: كه‌متر له 31,000 دینار
سلێمانی: كه‌متر له 27,000 دینار
دهۆک: كه‌متر له 29,000 دینار
هەڵەبجە: كه‌متر له 26,000 دینار