فه‌رمانگه‌ی میدیاو زانیاریی سه‌ربه حكومه‌تی هه‌رێم رایده‌گه‌یه‌نێت، تاوه‌كو ئێستا له‌چوارچێوه‌ی پڕۆژه‌ی هه‌ژماری مندا زیاتر له 1 ملیۆن موچه‌خۆر كارتی بانكییان وه‌رگرتۆته‌وه كه ده‌كاته 94%ی موچه‌خۆران.
ئاوێنه: فه‌رمانگه‌ی میدیاو زانیاریی سه‌ربه حكومه‌تی هه‌رێم له راپۆرتێكدا ئاماژه‌ی به‌وه‌داوه، تاوه‌كو ئێستا 1.14 ملیۆن موچه‌خۆر له‌چوارچێوه‌ی هه‌ژماری مندا تۆماركراون كه رێژه‌ی 99%ی موچه‌خۆران پێكده‌هێنن.
ئه‌وه‌شی خستۆته‌ڕو، تاوه‌كو ئێستا 1.07 ملیۆن موچه‌خۆر كارتی بانكییان وه‌رگرتۆته‌وه كه ده‌كاته 94%ی موچه‌خۆران.
ئه‌وه‌شی خستۆته‌ڕو، کۆی گشتیی پارەی دابەشراو لە ڕێگەی "هەژماری من"ەوە گەیشتۆتە سەرو 11 ترلیۆن دینار.
