2020-07-11 1361
ئەمڕۆ میدیای فەرمی پەكەكە ئاشكرایكرد، لەماوەی پێنج رۆژی رابردودا لە ناوچەی هەفتانین زیاتر لە 100 سەربازی سوپای توركیا كوژراون.
ئاوێنه: سایتی فورات نیوزی پەكەكە بڵاویكردەوە، گەریلاكانی هەپەگە و یەژاستار، لە ماوەی 4 بۆ 5 رۆژی رابردو لە هەفتانین چالاكی گەورەیان ئەنجامداوە و زیاتر لە 100 سەربازی سوپای تورکیا لەو چالاكییانەدا کوژراون.
بەگوێرەی ئاژانسەكە، "گەریلاکانی هەپەگە و یەژاستار رایدەگەیەنن، نیشتمانی کوردان نابێتە بەهەشت بۆ داگیرکەران. بۆ گەریلاکانی هەفتانین ئەوە تەنها شەڕی رزگاری لە دژی داگیرکەر نییە، بەڵکو تێکۆشانی ئازادی، دیموکراتیک، ئیکۆلۆژی، ئازادیی ژن و پاراستنی مافی هەمو گەلانە."