ئەمڕۆ پێنجشەممە لیرەی توركی ئاستێكی پێوانەیی لە دابەزیندا تۆماركرد،
ئەوەش دوای یاریكردنی نرخی دراوی ئەو وڵاتە بەرامبەر بە دۆلارو یۆرۆ لەماوەی دو
هەفتەی رابردودا.
ئاوێنە: بەپێی ئاژانسی رۆیتەرز، پاشنیوەڕۆی ئەمڕۆ، بەهای لیرەی توركی
ئاستێكی مێژویی دابەزینی تۆماركردوەو نرخی یەك دۆلاری ئەمریكی گەیشتۆتە 7.267
لیرەی توركی.
لەسایەی دابەزینی پێوانەیی بەهای لیرەدا
بەرامبەر بە دۆلار و یۆرۆ، هاوڵاتیانی توركیا هەست بە نیگەرانی دەكەن سەبارەت بە
دابەزینی ئاستی داهات و توانای كڕین و دابەزینی ئاستی گوزەرانیان.
بانكی ناوەندی توركیا ئەمڕۆ پێنجشەممە
رایگەیاندوە، هەمو ئامڕازێك بەكاردەهێنن بۆ دانانی سنورێك بۆ ناسەقامگیری بازاڕ.