دهۆك..لەشەڕێكدا گەنجێك كوژراو چواری دیكەش برینداربون
  2020-08-09       334       

ئەمشەو یەكشەممە لەنێو بازاڕی قەزای سێمێل-ی سەربە پارێزگای دهۆك بەهۆی "شکاندنەوەی ئۆتۆمبێل" شەڕ لەنێوان دو گروپی گەنجدا رویدا و بەهۆیەوە کەسێک کوژرا و چوار کەسی دیکە برینداربون.

ئاوێنە: كەناڵی روداو بڵاویكردەوە كە بەوتەی شایەتحاڵەکان، ئەو دو ئۆتۆمبێلە چەند گەنجێکیان تێدابوە، لەسەر شەقام توشی دەمەقاڵێ بون بەهۆی شکاندنەوەی ئۆتۆمبێلەکانیان بەسەر یەکدیدا، پاشان لەنێو بەنزینخانەیەک لایانداوە و شەڕیان کردوە.

گەنجەکان سەرەتا بە دەست شەڕیان کردوە، دواتر تەلەفۆنیان بۆ هاوڕێ و کەسوکاریان کردوەو نزیکەی 40 گەنج کۆبونەتەوە و چەکی کڵاشینکۆف و دەمانچەیان بەکار‌هێناوە.

بەپێی زانیارییەکان لە شەڕەكەدا گەنجێک کوژراوە و چوار کەسی دیکەش بریندارن. بریندارەکان بۆ نەخۆشخانەی فریاکەوتنی سێمێل گوێزراونەتەوە و برینەکانیان سوکە.

پۆلیسی سێمێل لە شوێنی روداوەکەیە و لێکۆڵینەوەیان دەستپێکردوە.

زۆرترین بینراو
© 2020 Awene Online, Inc. All Rights Reserved.
×