2021-06-22   416     
وەزارەتی بازرگانی هەرێمی كوردستان ڕایدەگەیەنێت: لە ئەمڕۆ سێشەممەوە دەستدەكرێت بە وەرگرتنی گەنمی جوتیاران لەسەرجەم سایلۆكانی هەرێم.
ئاوێنە: نەوزاد كامیل بەڕێوەبەری گشتی بازرگانی هەرێم لە وەزارەتی بازرگانی و پیشەسازی ڕاگەیەندراوێكی بڵاوكردووەتەوە تێیدا هاتووە:" ئێوارەی 20ی حوزەیرانی 2021، لەلایەن وەزارەتی بازرگانی حكومەتی فیدڕاڵ ئاگاداركراین كە لە هەرێم دەست بە وەرگرتنی گەنمی جوتیاران بكرێت".
ئەوەشی خستەڕوو:" بەگوێرەی ئەو پلانەی دانراوە بۆ وەرگرتنی گەنم لە سایلۆكان، داوایان لێ كراوە ئەمڕۆ سێشەممە 22ی حوزەیرانی 2021، وەك یەكەم رۆژی دەستپێكی وەرگرتنی گەنم لە سەرجەم سایلۆكانی هەرێم رادەگەیەنن".
ئەوەشخراوەتەڕوو:" داوا لە جوتیاران دەكرێت پابەندی رێكارە دیاریكراوەكان بن بۆ گەیاندنی گەنمەكانیان بە سایلۆكان".