دەزگاكانی راگەیاندنی ئێرانی بڵاویانكردووەتەوە، لەكاتی هەوڵدان بۆ دەستگرتن بەسەر گوازەرەوەیەكی نەوت لە دەریای عومان، روبەڕوبونەوە لە نێوان سوپای ئەمریكا و سوپای پاسداراندا روویداوە و هەوڵەكە شكستی پێهێنراوە.
ئاوێنه: كەناڵی "الخبر"ی ئێرانی بڵاویكردووەتەوە، كەشتییەكی جەنگی ئەمریكی نەوت گوازەرەوەیەكی ئێرانی لە دەریای عوماندا وەستاندووە و بەشێك لە نەوتەكەی گواستووەتەوە بۆ گوازەرەوەیەكی تر.
رونیشكراوەتەوە، سوپای پاسدارن پرۆسەیەكی دابەزینی ئاسمانییان ئەنجامداوە و لەگەڵ سوپای ئەمریكادا رووبەڕو بوونەتەوە و كۆنترۆڵی نەوت گوازەرەوە ئێرانییەكەیان كردووە و بەرەو ئاوەكانی ئێران رەوانەیان كردووە.
بەپێی راپۆرتی دەزگا میدیاییەكانی ئێران، سوپای ئەمریكا هەوڵی ئەوەی داوە دووبارە كۆنترۆڵی گوازەرەوەكە بكات، بەڵام بە سەلامەتی گەڕاوەتەوە ئاوەكانی كۆماری ئیسلامی ئێران.