راوێژكاری ئەڵمانیا رایگەیاند، حكومەتی وڵاتەكەی هەزار چەكی دژە تانك و 500 موشەكی زەوی بە ئاسمان لە جۆری ستینگەر بۆ ئۆكرانیا دەنێرێت.
ئاوێنە: ئۆلاف شۆڵتز، راوێژكاری ئەڵمانیا، كەمێك لەمەوبەر لە تویتێكدا رایگەیاند، "هێرشەكەی روسیا بۆ سەر ئۆكرانیا خاڵێكی وەرچەرخانە، ئەركی ئێمەیە بە باشترین تواناكانمان پشتیوانی ئۆكرانیا بكەین بۆ روبەڕوبونەوەی سوپا داگیركەرەكەی پوتین."
ئاوێنە لە تەلەگرام جۆین بكە
راوێژكاری ئەڵمانیا لەتویتەكەیدا، كە لەدوای كۆبونەوەی هات لەگەڵ سەرۆك وەزیرانی پۆڵەنداو سەرۆكی لیتوانیا، وتوشیەتی"بۆیە ئێمە هەزار چەكی دژە تانك و 500 موشەكی جۆری ستینگەر بۆ هاوڕێكانمان لە ئۆكرانیا دەنێرین."
ئەو هەنگاوەی ئەڵمانیا بە گۆڕانكارییەكی گەورە دەژمێردرێت لە سیاسەتی درێژخایەنی وڵاتەكەدا كە خۆی لە قەدەغەكردنی ناردنی چەك بۆ ناوچەكانی شەڕ دەبینێتەوە.