وەزارەتی دەرەوەی ئەمریكا ئاشکرای دەکات، کە هێزەكانی سووریای دیموكرات وەك هاوبەشێكی بەهێز و بە توانای ئەمریكا دەمێننەوە لە شوێنی خۆیان.
ئاوێنه: لەمبارەیەوە وەزارەتی دەرەوەی ئەمریكا بڵاوی كردەوە: هێزەكانی سووریای دیموكرات وەك هاوبەشێكی بەهێز و بە توانای ئەمریكا دەمێننەوە، و "هەسەدە هاوبەشێكی سەربازی متمانەپێكراوی ئەمریكایە" راشیگەیاند کە هەسەدە چەندین هێرشی كردووەتەسەر توندڕۆكانی داعش و چەندین سەركردەی داعشی لەناوبردوون و دەستگیركردووە.
ئەوەش هاتووە : هێزەكانی سووریای دیموكرات چەندین تۆڕی سیخوڕی و تیرۆرستی سەر گرووپی تیرۆرستی داعشیان دەستگیركردووە و هەڵوەشاندووەتەوە.
جێگای باسە هێزەكانی سووریای دیموكرات لە ماوەكانی رابردوودا چەندین ئۆپەراسیۆنی هاوبەشیان لە دژی گرووپی توندڕۆی داعش بەڕێوەبردووە و توانیان پایتەختی داعش بگرن و كۆتایی بە دەسەڵاتە توندڕۆییەكەی ئەم گرووپە لە سووریا بهێنن لە 2019.