نرخى نەوت نزمترین ئاستى لە مانگێکدا تۆمارکرد، ئەوەش بەهۆى نیگەرانییەکان لەبارەى خاوبوونەوەى گەشەى ئابورى جیهانى.
ئاوێنه: نرخى بەرمیلێک نەوتی خاوی برێنت کە پێوەرێکى جیهانییەکە ئەمڕۆ پێنج شەممە بە 108 دۆلار و 92 سەنت مامەڵەى پێوەکرا، هەروەها بەرمیلێک نەوتی خاوی رۆژئاوای تێکساس بە 103 دۆلار و 20 سەنت مامەڵەى پێوەکرا.
دابەزینى نرخى نەوت دواى ئەوەهات کە بانکە ناوەندییەکان لە بەریتانیا و ئەمەریکا سودى بانکیان بەرزکردەوە، ئەوەش ترسەکانى لەبارەى خاوبوونەوەى گەشەى ئابورى لەسەر ئاستى جیهان زیاتر کرد.