لە سەرۆكایەتی هەرێم پێشنیارێكی ئەمریكییەكان بۆ یەكخستنەوەی هێزی پێشمەرگە تاوتوێ كرا
  2022-06-28       598       

نێچیرڤان بارزانی، سەرۆكی هەرێمی كوردستان، ئەمڕۆ سێشەممە، بە ئامادەبونی بافڵ تاڵەبانی، سەرۆكی یەكێتی و هەروەها وەزیری پێشمەرگە، پێشوازی لە جەنەراڵ جۆن برێنان، فەرماندەی هێزەكانی هاوپەیمانان لە عێراق و سوریا كردو پێشنیارێكی ئەمریكییەكانیان لەبارەی چاكسازی لە وەزارەتی پێشمەرگەو هەنگاوەكانی یەكخستنەوەی هێزی پێشمەرگە، تاوتوێ كرد.

ئاوێنە: بەپێی راگەیەندراوێكی سەرۆكایەتی هەرێمی كوردستان، ئەمڕۆ نێچيرڤان بارزانى، سه‌رۆكى هه‌رێمى كوردستان و ‏فه‌رمانده‌ى گشتيى هێزى پێشمه‌رگه‌ى كوردستان، ‌پێشوازى له‌ جه‌نه‌راڵ جۆن برێنان ‏فه‌رمانده‌ى هێزه‌كانى هاوپه‌يمانان له‌ عيراق و سوريا و شاندێكى باڵاى سه‌ربازيى ياوه‌رى كرد.‏

بەگوێرەی راگەیەندراوەكە، لە‌ كۆبونه‌وه‌يه‌كدا كه‌ بافڵ تاڵه‌بانى، سه‌رۆكى يه‌كێتيى نيشتمانيى كوردستان و ‏وه‌زيرى پێشمه‌رگه‌ و سوپاسالارى پێشمه‌رگه‌ و ژماره‌يه‌ك له‌ فه‌رمانده‌ و پله‌دارانى ‏پێشمه‌رگه‌ ئاماده‌ بون، پرۆسه‌ى چاكسازى له‌ وه‌زاره‌تى پێشمه‌رگه‌ و دوايين هه‌نگاوه‌كانى ‏يه‌كخستنه‌وه‌ى هێزى پێشمه‌رگه‌و گرفته‌كانى به‌رده‌م پرۆسه‌كەو پێشنيارێكى ئه‌مه‌ريكييه‌كان ‏له‌مباره‌يه‌وه،‌‌ تاوتوێ كران.‏

سەرۆكایەتی هەرێم لە راگەیەندراوەكەیدا ناوەڕۆكی پێشنیارەكەی ئەمریكییەكانی باس نەكردوە.

لە راگەیەندراوەكەدا هاتوە"نێچيرڤان بارزانى سوپاس و پێزانينى هه‌رێمى كوردستانى بۆ ئه‌مه‌ريكا و هاوپه‌يمانان ‏دوپات كرده‌وه‌ بۆ ئه‌و پشتگيرى و هاوكارييه‌ى له‌ كاتى شه‌ڕى دژى داعشدا و ئێستاش ‏پێشكه‌ش به‌ پێشمه‌رگه‌ى ده‌كه‌ن و جه‌ختى له‌ پشتگيريى سه‌رۆكايه‌تيى هه‌رێمى كوردستان و ‏حكومه‌تى هه‌رێمى كوردستان بۆ پرۆسه‌ى چاكسازيى له‌ وه‌زاره‌تى پێشمه‌رگه‌ و ‏يه‌كخستنه‌وه‌ى پێشمه‌رگه‌ كرده‌وه‌.‏"

بەگوێرەی راگەیەندراوەكە "جه‌نه‌رال برێنان دوپاتى كرده‌وه‌ كه‌ ئه‌مه‌ريكا له‌ پشتگيرى و يارمه‌تيدانى ‏پێشمه‌رگه‌ به‌رده‌وام ده‌بێت بۆ ئه‌وه‌ى له‌ ژێر چه‌ترى وه‌زاره‌تى پێشمه‌رگه‌و يه‌ك فه‌رمانده‌ييدا ‏كۆبكرێته‌وه‌و بكرێته‌ هێزێكى نيشتمانيى پیشه‌گه‌ر كه‌ به‌ هێز و توانا بێت و بتوانێت ئه‌ركى خۆى ‏جێبه‌جێ بكات."

هەر بەپێی راگەیەندراوەكە، دوايين پێشهاته‌كانى شه‌ڕى دژى تيرۆر و پێويستيى هاريكاريى نێوان پێشمه‌رگه‌ و سوپاى ‏عيراق و به‌رده‌واميى پشتگيريى هاوپه‌يمانيى نێوده‌وڵه‌تيى بۆ عيراق و هه‌رێمى كوردستان، ‏ته‌وه‌رێكى ديكه‌ى كۆبونه‌وه‌كه‌ بو.‏

زۆرترین بینراو
© 2022 Awene Online, Inc. All Rights Reserved.
×