’’لە سلێمانی چەند بەرپرسێک دەستگیردەکرێن’’
  2022-09-06       1289       

سەرۆکی ئەنجومەنی پارێزگای سلێمانی ڕایگەیاند، لە چوارچێوەی هەڵمەتەکەی بافڵ تاڵەبانیدا لە ڕۆژانی داهاتوودا ژمارەیەک بەرپرس و دەسەڵاتدار دەستگیردەکرێن.  

ئاوێنە: ئازاد محەمەد ئەمین، سەرۆکی ئەنجومەنی پارێزگای سلێمانی لە پشکی یەکێتی، لە چاوپێکەوتنێکدا لەگەڵ تەلەفزیۆنی فەرمیی حزبەکە ڕایگەیاند، "ئەو هەڵمەتەی بافڵ تاڵەبانی دەستیپێکردووە بۆ دەستگیرکردنی گەندەڵکاران کەسانی خاوەن دەسەڵات و دەستڕۆیشتووش دەگرێتەوە نەک تەنها فەرمانبەر و کەسانی بچوک، وەک ئەوەی باس دەکرێت."  

وتیشی، "چاوەڕوان بن لە ڕۆژانی داهاتوو خەڵکی دەسەڵاتدا و بەرپرس دەستگیردەکرێن."   

سەرۆکی ئەنجومەنی پارێزگای سلێمانی ئاماژەی بەوەشکرد، "هەوڵەکەی بافڵ تاڵەبانی بە هاوکاری و هەماهەنگی لەگەڵ قوباد تاڵەبانی، جێگری سەرۆکی حکومەت و لایەنەکانی دیکەی حکومەتە بۆ ئەوەی دۆخ و داهاتی سلێمانی ڕێکبخرێتەوە."

زۆرترین بینراو
© 2023 Awene Online, Inc. All Rights Reserved.
×