وەزارەتی دارایی عێراق لە فەرمانێکدا کە میژووی 20ی ئەم مانگەی لەسەرە، موڵک و ماڵی گواستراوە و نەگواستراوەی 5 بەرپرسی حکومیی دەخاتە ژێر چاودێرییەوە و دەستیان بەسەردا دەگرێت.
ئاوێنه: ئەو بەرپرسانە ئەرکی لێپرسراوێتیی فەرمانگە دارایی و باجەکانیان هەبووە و پێشتر دەستیان هەبووە لە بردنی پارەیەکی زۆر لە خەزێنەی دەوڵەت.
بەگوێرەی بەڵگەنامەکە، بەرپرسەکان لە فەرمانگەکانی باج و خەراج و وەزارەتی داراییدا لێپرسراوێتییان هەبووە و هەموو موڵک و ماڵیان دەستی بەسەردا گیراوە.
میدیای عێراق دەڵێت "دەستبەسەردا گرتنی سەروەت و سامانی ئەو بەرپرسانە، لەچوارچێوەی ئەو هەڵمەتەدایە بۆ دۆزینەوەی 2.5 ملیار دۆلاری دزراو کە ماوەیەکە مشتومڕی زۆری ناوەتەوە.
ناوی بەرپرسەکان:
1- زیا عەبدولخالق ئەلزەیدی
2- زوهەیر جومعە حەمادی
3- ئوسامە حوسام جودە
4- قەیس مەحمود ئەلزەیدی
5- سامر عەبدولهادی ئەلروبیعی
