ژنێك هاوسەرەكەی بە چەقۆ كوشت
  2022-10-28       839       

ژنێك هاوسەرەكەی بە چەقۆ كوشت و هۆكارەكەی ئاشكراكرا.

ئاوێنه‌: بەپێی راگەیەندراوێكی هێزەكانی پۆلیس، ژنێك لە شاری نەجەف دوای دروستبوونی مشتومڕ لەگەڵ هاوسەرەكەیدا، چەند چەقۆیەكی لە سنگ و هەناوی هاوسەرەكەی داوە و كوشتوویەتی.

پۆلیسی پارێزگای نەجەف دەڵێت، رووداوەكە لە ناو ماڵی ژن و پیاوەكەدا روویداوە و بەهۆی ناكۆكیی خێزانییەوە، شەڕ لە نێوان دوو هاوسەرەكەدا دروستبووە و بەو هۆیەوە ژنەكە بە چەقۆ هێرشیكردووەتەسەر هاوسەرەكەی و كوشتوویەتی.

ئاماژە بۆ ئەوەش كراوە كە دوای ئاگاداركردنەوەی هێزەكانی پۆلیس لە رووداوەكە، ژنەكە دەستگیركراوە و لە لێكۆڵینەوەی سەرەتاییدا، دانی بە كوشتنی هاوسەرەكەیدا ناوە و هۆكارەكەی گەڕاندووەتەوە بۆ كێشەی خێزانی.

زۆرترین بینراو
© 2022 Awene Online, Inc. All Rights Reserved.
×